Milli maksatnamanyň esasy maksady we wezipeleri şulardyr:
Milli maksatnamanyň esasy maksady ýurdumyzyň syýahatçylyk mümkinçiliklerini giňden özleşdirmek, syýahatçylygy toplumlaýyn ösdürmek, döwrebap we amatly dynç alyş şertlerini döretmek, ulgamy ykdysady taýdan öňdäkileriň hataryna goşmak, Watanymyzyň gadymy taryhyny, medeniýetini, däp-dessurlaryny dünýä ýüzüne wagyz etmek, halkymyzyň ruhy dünýäsini has-da baýlaşdyrmak.
Esasy wezipeleri:
syýahatçylygyň döwrebap üpjünçilik ulgamyny döretmek we kämilleşdirmek;
syýahatçylygy ýurdumyzyň içinde we onuň daşynda giňden mahabatlandyrmak;
syýahatçylyk ulgamynda hususy telekeçilik işini has ýaýbaňlandyrmak;
syýahatçylygy ösdürmek işine daşary ýurt maýa goýumlaryny giňden çekmek;
syýahatçylyk ulgamynda salgyt we gümrük ýeňilliklerini döretmegi kämilleşdirmek;
halkymyza, esasan hem, ýaşlarymyza, gezelenje gelýän syýahatçylara ýurdumyzyň taryhyny, medeniýetini, däp-dessurlaryny syýahatçylygyň üsti bilen ýetirmek;
syýahatçylygy ösdürmek bilen, halkymyz üçin goşmaça iş ýerlerini döretmek;
Watanymyzy syýahatçylyk babatda dünýäde öňdebaryjy ýurtlaryň hataryna goşmak;
syýahatçylyk ulgamy üçin ýokary derejeli dolandyryjylary, ýörite bilimli hünärmenleri taýýarlamak we gaýtadan taýýarlamak, olaryň hünär derejelerini ýokarlandyrmak;
syýahatçylyk ulgamynyň düýpli ösüşini daşky gurşawy goramak syýasaty bilen utgaşdyrmak;
syýahatçylyk öümleriniň görnüşlerini artdyryp, myhmanhanalaryň ýylyň dowamynda doly işlemegini gazanmak;
syýahatçylygyň uzak möhletleýin ösüşini göz öňünde tutup, ekosyýahatçylyk, agrosyýahatçylyk, kenarýaka sebitlerine syýahatçylyk barada ilaty yzygiderli elektron maglumatlar bilen üpjün etmek;
sebitiň tebigy aýratynlyklaryna laýyklykda dürli syýahatçylyk saparlaryny utgaşdyrmagyň netijesinde saglyk, sport, iş maslahatlary, tebigy aýratynlykly we başga hyzmatlary hödürleýän syýahatçylyk şäherçelerini döretmek;
sebitleriň durmuş-ykdysady ýagdaýlaryny ýokarlandyrmakda syýahatçylygy esasy serişdeleriň biri hökmünde ulanmak;