Home Random Page


CATEGORIES:

BiologyChemistryConstructionCultureEcologyEconomyElectronicsFinanceGeographyHistoryInformaticsLawMathematicsMechanicsMedicineOtherPedagogyPhilosophyPhysicsPolicyPsychologySociologySportTourism






Türkmenistanyň taryhy, medeni we tebigy baýlyklaryny syýahatçylykda giňden ulanmak

 

Türkmenistanyň geografik tarapdan Ýewropanyň we Aziýanyň çatrygynda amatly ýerleşmegi, ýurdumyzyň gadymy taryhy, medeni we tebigy ýadygärliklere baýlygy, halkymyzyň gadymy sungatymyzy, däp-dessurlarymyzy, adatlarymyzy, şaý-seplerimizi, milli tagamlarymyzy we beýleki medeni gymmatlyklarymyzy şu günlere çenli ýetirmegi, “Awaza” milli syýahatçylyk zolagynyň döredilmegi, Lebap welaýatynyň Köýtendag etrabynyň Garlyk şäherçesiniň, Mary welaýatynyň Baýramaly etrabynyň Üçajy şäherçesiniň, Balkan welaýatynyň Türkmenbaşy etrabynyň Belek şäherçesiniň döwrebap abadanlaşdyrylmagy we amala aşyrylýan beýleki durmuş-ykdysady özgertmeler ýurdumyzda syýahatçylyk babatda täze ýerleri özleşdirmäge we ulgamy mundan beýläk hem ösdürmeäge uly mümkinçilikleri döredýär.

Tomus aýlarynda Awazadaky myhmanhanalar, Baýramaly, Arçman, Mollagara, Farap şypahanalary köp adamly bolýar. Bu ýerlerdäki ýerleşdiriş serişdeleriniň hyzmatlarynyň köpdürliligini gazanyp, nyrh syýasatyny ulanmak arkaly ýylyň dowamynda olaryň doly güýjünde işlemegi gazanylýar. Syýahatçylyk serişdelerine baý sebitler, şol sanda Garagum çöli syýahatçylyk maksatly özleşdiriler.

Uly şäherlere gezelenç syýahatçylygy jahankeşdeleriň gyzyklanmasyny döredýär, aýratyn ünsüni çekýär. Uly şäherlere gezelenç syýahatçylygynda taryhy-medeni gymmatlyklar, binalaryň arhitekturasy, medeni dynç alyş merkezleriniň we seýilgähleriň köplügi, muzeýler hem-de beýleki syýahatçylyk desgalary jahankeşdeleriň üns berýän ilkinji aýratynlyklarydyr. Ýurdumyzyň uly şäherleri bolan Aşgabat, Mary, Türkmenabat, Türkmenbaşy, Balkanabat, Daşoguz şäherlerinde gezelenç syýahatçylygyny ösdürmek üçin zerur bolan desgalaryň gurluşygy dowam etdiriler.

Sebitlerde syýahatçylyk maksatly atçylyk sporty ösdüriler, paýtunly gezelençler, at üstünde gezelençler hem-de ahalteke bedewleriniň görkezme çykyşlary guralar.

Häzirki wagta çenli ýerli we daşary ýurtly syýahatçylara niýetlenen köp sanly syýahatçylyk ugurlary işlenip taýýarlandy. Muňa garamazdan, ýurdumyz boýunça şu wagta çenli syýahatçylyk babatda özleşdirilmedik ýerler örän köp.



Welaýatlaryň sebitlerinde ýerleşýän köne galalyklarda arheologik gazuw-agtaryş işleri dowam etdiriler.

“Awaza” milli syýahatçylyk zolagynyň döredilmegi bilen, Balkan welaýaty syýahatçylyk babatda uly ähmiýete eýe boldy.olaga geljek syýahatçylar üçin deňziň içi boýunça içeri we halkara ugurlary düzüler. Şol ugurlar Hazar deňziniň kenarýakasynda ýerleşýän goňşy ýurtlaryň şäherlerini hem-de ýurdumyzyň bu sebitdäki deňziň içinde ýerleşýän gyzykly täsin ýerleri öz içine alar.

“Awaza” milli syýahatçylyk zolagyndan başlap, Balkan welaýatynyň ähli taryhy we medeni ýerlerine gezelençleri guramak üçin ugurlar, şeýle hem şol syýahatçylyk zolagyndan başlap, Aşgabady hem-de ähli welaýatlary öz içine alýan gyzykly we täsin ugurlar açylar. Balkan welaýatynda “Awaza” milli syýahatçylyk zolagyndan başga-da, syýahatçylarda uly gyzyklanma döretjek Dehistan, Gyzylgaýa we Sumbar jülgesi özleşdiriler.

Gökdere jülgesinde çagalar sagaldyş merkezleriniň gurluşygy dowam etdiriler. Bu deňsiz-taýsyz merkezlerde dynç alyş zolaklary, sport meýdançalary, suwda ýüzmek üçin howuzlar, myhmanhanalar we beýleki binalar gurlar.

Ahal welaýatynda Derweze, Ýerbent, Sekizýap, Nohur obasy, Abiwerd ýadygärligi, Daşoguz welaýatynda Sarygamyş köli we onuň töweregi, Şasenemiň galasy, Ak gala, Akja gelniň Küýzeligyr we beýleki ýerler, Lebap welaýatynda Köýtendag we onuň töwerekleri, welaýatyň günorta-gündogaryndaky Amyderýanyň kenar ýakalary, Repetek tebigy goraghanasy, Astanababa ýadygärlikleri, Mary welaýatynda “Marguş” taryhy ýadygärlikleri hem-de Tagtabazar etrabynyň tebigy täsin ýerleri we beýleki ýerler özleşdirilen hem-de şol ýerlere syýahatçylyk ugurlary düzüler.

 


Date: 2015-12-24; view: 1213


<== previous page | next page ==>
Milli maksatnamanyň esasy maksady we wezipeleri | Syýahatçylyk ulgamynyň maddy binýadyny kämilleşdirmek
doclecture.net - lectures - 2014-2024 year. Copyright infringement or personal data (0.008 sec.)